G.S MARIE REINE RWAZA YASUWE N'ABAGANGA BA RBC

Kuwa gatatu tariki ya 26.10.2022 mu ishuri ryacu twasuwe n'abashyitsi baturutse muri minisiteri y'ubuzima, abaganga bakora mu kigo cy'igihugu gishinzwe ubuzima (RBC) .



Bahaye abanyeshuri ibiganiro bijyanye no kwirinda indwara ya SIDA n'agakoko kayitera, batwibukije aho indwara ya SIDA itandukaniye n'agakoko kayitera. Bakomeje badusobanurira indwara z'ibyuririzi ziterwa na SIDA n'uko umuntu wanduye sida yakwitwara akurikiza inama yahawe na muganga.



Baganirije abanyeshuri ku buzima bw'imyororokere n'uko bakwitwara birinda ibishuko no kwishora mu ngeso mbi zose zabageza ku busambanyi ari nabwo ntandaro yo kwandura SIDA.



Aba bashyitsi kandi baduhaye imfashanyigisho zitandukanye zirimo ibitabo bitoya n' amashusho anyuranye twakwigiraho byinshi ku buzima bw'imyororokere n'imyitwarire y'iki gihe.